19-4-2007 أهم تاريخ فى حياتى

ودة كان نقطة تغير هامة جدا عشان سافرت . مش هقول انى كنت بموت وانا بسيب بلدى وكل حاجة بحبها مزيكا وصحابى وأهلى وحاجات تانية مش لازم تعرفوها بس ربنا اللى يعلم انا كان أحساسى اية
فى البداية أخدت الاتوبيس من المطار بعد ماخلصت الجوازات وكالعادة أكنة أتوبيس 777 بتاع المنيب العجل بيدبدب فى الارض أكن العجلة بايظة وهما حوالى 20 كورسى لكن كان واقف أكتر من 50 واحد جنسيات مختلفة مش هطول يعنى المهم
ركبت الطيارة ودى كانت أول مرة تحصل فى حياتى
انا كنت فاكر انى هخاف وحاجات كدة طلعت الطيارة وطبعا كانت مصر للطيران انا شايف أنة طيران كويس مش ضعيف زى مابيقولوا طلعت الطيارة ولحسن حظى كنا بالليل عشان مشفش متظر الارض من فوق لكن على العكس أتمنيت نكون الصبح من متعت المنظر كنت راكب جنب الشباك والله كنت مبسوط ولا بن 5 سنين
بس اللى كان رعبنى أنى شايف جناح الطيارة بيتنى أو بيلب أفهموها انتوا بقى وحاسس انة هيتكسر بس والله رحلة ممتعة وكفاية كدة

أول حاجة بجد

أول ما بدأت أكتب الحقيقة مكنتش عارف أكتب أية بس الحاجة هى اللى مسيطرة الشغل انا سيبت بلدى بعد ما طلعت عينى أنى أعرف أعمل اى حاجة تجيب فلوس لا المزيكة نفعت ولا حتى الشغل

el3alam 7elw bardo

• شكر خاص إلى أول واحد طلعت عينة لحد ما علمنى أزاى أتعامل مع البلوج وهو على الالفى